Без кабат “Адымнар”да

Башкалабызның 165 нче “Адымнар” күптелле мәгариф комплексында «Сабантуй» журналын яратып укыйлар! Тулы көн дәвамында укучы 2 "М" сыйныфы укучылары белән күңелле очрашу үтте. Балалар “Салават күпере” һәм “Сабантуй” журналлары белән таныштылар. Басмаларның яңа сәхифәләренә, YouTube каналларына сәяхәт кылдылар, бәйгеләр белән таныштылар. Балалар үзләре дә сәләтләре белән уртаклашып, “Сорау-җавап” уенында катнашып, бүләкләргә ия булдылар. “Түбәтәй” уенын уйнап, биеделәр дә, җырладылар да.
Татар басмалары хәзер заман белән бергә атлый. Алар тагын да кызыклырак, эчтәлеге ягыннан да баерак һәм төслерәк, мавыктыргычрак чыга башлады. Журналлар уен, видеолар белән баетылган. Басма битләрендә чыккан материалларны мәктәпнең уку программасында да кулланырга була. 2 "М" сыйныфы җитәкчесе Лилия Нуруллина да шул фикердә: “Журналларны бик рәхәтләнеп кулланабыз. Рәхмәт сезгә!” – ди ул.
Мондый укучыларыбыз барлыгына без чиксез шат! Аларның саны көннән-көн арта. Бергә булыйк!
Иң мөһим һәм кызыклы язмаларны Татмедиа Telegram-каналында укыгыз
-
Чаллыда кунакта Чаллы шәһәренең Мулланур Вахитов исемендәге 2 нче гимназиясенең уңышларын күзәтеп, андагы сәләтле укучылар белән танышырга күптән хыялланып йөри идек. Менә җай чыкты.
-
Әнкәм теле – туган телем «Балачак әдипләре» проекты кысаларында Йолдыз апа Шәрапова укучыларга бирем әзерләгән иде. Бик күп хатлар алдык. Кайбер эшләрне сезгә дә тәкъдим итәбез.
-
Күзгә яшьләр килде... Зур шатлыгым бар! Без, "Мирас" үрнәк балалар бию ансамбле, Санкт-Петербургта узган «Азимут» халыкара бәйгесендә җиңү яуладык!