"Бигуди" сүзе каян килеп чыккан?

Матур чәч турында кайсы гына хатын-кыз хыялланмый икән?! Чыганаклардан күренгәнчә, чәч күпертә торган җайланманы беренче тапкыр Бретань провинциясендә яшәүчеләр куллана башлаган. Биредә яшәүче кызлар,аеруча Bigouden тирәсендә гомер итүчеләр, башларына цилиндр рәвешендәге баш киемнәре киеп йөргәннәр. Чәчләрне бөдрәләтә торган җайланма уйлап табылганнан соң, әлеге баш киеменә нык охшаганлыгын искә алып, аны бигуди дип атый башлаганнар.