Дуслар җыелган җирдә

«Сабантуй» журналы Zoom платформасы аша онлайн очрашулар циклын быел да дәвам итә. Бүген мондый очрашуда Яшел Үзән районындагы С.К.Гыйматдинов исемендәге Осиново гимназиясенең 4 А сыйныфы укучылары катнашты.
Яңа елдан “Сабантуй” да яңарды, кызыклы һәм файдалы сәхифәләр артты, яңа бәйгеләр игълан ителде. Укучыларыбыз яратып өлгергән сәхифәләргә исә яңа сулыш өрелде. Укучыларыбыз бу яңалыкларны ничек кабул итте икән? Редакция хезмәткәрләрен нәкъ менә шул сорау кызыксындыра.
Әле яңа гына табадан төшкән “Сабантуй” журналын Осиново укучылары түземсезлек белән көтеп алганнар. Монда безнең тугры укучыларыбыз шактый. Үзләренең яраткан сәхифәләре дә бар икән. Укытучылар исә татар басмасын белем бирү программасы кысаларында куллануларын җиткерде. Укучылар журналның тарихы, аны ничек чыгару белән бәйле сорауларын бирделәр.
4А сыйныфы җитәкчесе Гөлгенә Равил кызы Гатауллина – “Сабантуй” журналы белән тыгыз элемтәдә булып, укучыларны бәйгеләргә җәлеп итеп, татар матбугатына мәхәббәт тәрбияләүче мөгаллим. Осино гимназиясендә “Сабантуй” укучылары елдан-ел артуы, мөгаен, укытучыларның, гимназия җитәкчелегенең балалар һәм ата-аналар белән тыгыз элемтәдә булып, хезмәттәшлек итүе нәтиҗәседер. Киләчәктә дә гимназия укучылары безнең тугры, ышанычлы дусларыбыз булып калсын!
Иң мөһим һәм кызыклы язмаларны Татмедиа Telegram-каналында укыгыз
-
Мөгаллимнәр белән күрештек Яшел Үзән шәһәренең 5 нче гимназиясендә милли мәсьәләләр буенча директор урынбасарлары, татар теле һәм әдәбияты укытучылары, методик берләшмә җитәкчеләре катнашында узган методик семинарда «Салават күпере» һәм «Сабантуй» журналлары баш мөхәррире Зилә Фәйзуллина катнашты.
-
Чаллыда кунакта Чаллы шәһәренең Мулланур Вахитов исемендәге 2 нче гимназиясенең уңышларын күзәтеп, андагы сәләтле укучылар белән танышырга күптән хыялланып йөри идек. Менә җай чыкты.
-
Туган телем кадере «Балачак әдипләре» проекты кысаларында Йолдыз апа Шәрапова укучыларга бирем әзерләгән иде. Бик күп хатлар алдык. Кайбер эшләрне сезгә дә тәкъдим итәбез.