Күренеп торыгыз!

Юлда имин йөрер өчен нишләргә? Бу сорауга җавапны хәрәкәтнең яшь инспекторлары белә. Алар, ЮХИДИ хезмәткәрләре белән берлектә, балалар һәм әти-әниләр өчен видеодәресләр әзерли башлады. Беренче дәрес яктылык кайтаргыч элементлар турында иде.

“Караңгы вакытта җәяүленең киемендә яктылык кайтаргыч булса яисә ул кулына фонарь тотса, автомобиль йөртүчеләр мондый кешене ерактан ук күрә ала. Димәк, бу җәяүленең һәлакәткә юлыгу мөмкинлеге дә бермә-бер кими! Мәсәлән, торак пунктларда руль артында утыручы кеше җәяүлене 50 метр чамасы ераклыктан күрә, ә фонарь тотып баручыны 200-350 метр ераклыктан ук абайлап була. Димәк, фонарь яки яктылык кайтаргыч элемент кеше тормышын саклап калырга сәләтле!” – дип аңлата хәрәкәтнең яшь инспекторы Ралинә Хәлимова.