Нәби Дәүли исемен йөртүче Базарлы Матак гимназиясендә кунакта.
Октябрь ае мәктәп-гимназияләрдә очрашуларга бай булды.
Әлки районының Нәби Дәүли исемендәге Базарлы Матак гимназиясендә булган очрашу аеруча да күңелле үтте. Балалар Республикада нәшер ителүче - "Салават күпере" һәм "Сабантуй" журналларының баш мөхәррир урынбасарлары Гөлназ Ярмиева һәм Руфия Мөхетдинова белән күрешеп, балалар өчен чыгып килүче басмалар белән танышты. Укучылар журнал сәхифәләренә сәяхәт кылып, видеолар тәкъдим иттеләр, викторина сорауларына дөрес җавап бирүчеләргә журналлар, китап кыстыргычлар тапшырылды. Шулай ук балалар Нәби Дәүли шигырьләрен сөйләделәр, бик матур җырлар башкардылар.. Балаларга редакция хезмәткәрләре белән очрашу оештыруда ярдәм иткәне өчен гимназия директоры Фәридә Госман кызына "Сабантуй" журналы исеменнән рәхмәт хаты тапшырылды. Дуслык күпере салынды, киләчәге якты булсын. Гимназия укучыларының иҗади эшләре республика басмаларында урын алсын дигән теләктә калабыз.
Следите за самым важным и интересным в Telegram-каналеТатмедиа
-
Түгәрәк өстәл
Бүген без «2нче татар гимназиясе» китапханәсендә балалар басмаларына язылу буенча түгәрәк өстәлдә катнаштык.
-
«Сабантуйның 100 дусты»
Мәктәп-гимназияләр өчен «Сабантуйның 100 дусты» дигән бәйге игълан иткән идек. Бәйгенең шартлары буенча, мәктәп белән «Сабантуй» журналына 2025 елның беренче яртыеллыгына 100 укучы язылырга тиеш иде.
-
Матур очрашу
Яңа эш атнасы Казан шәһәре 175нче гимназиядә укучылар белән очрашудан башланып китте.
Нет комментариев