Рамил Шарапов: “Улым картаеп беткәч, беренче тапкыр балалалар бакчасына китте”
Юморист Рамил Шараповлар гаиләсендә бүген икеләтә бәйрәм.– Аллага шөкер, улым картаеп беткәч (3,8 яшь), беренче тапкыр балалар бакчасына китте. Үзем барган кебек куанам. Еларга өлгермәс әле, ике сәгат...
– Аллага шөкер, улым картаеп беткәч (3,8 яшь), беренче тапкыр балалар бакчасына китте. Үзем барган кебек куанам. Еларга өлгермәс әле, ике сәгатьтән килеп алырга куштылар, – ди Рамил.
– Малайның яраткан һөнәре – әйбер качыру. Ул яшергәннән соң, өйдә бер нәрсәне табарлык булмый. “Кая качырдың?” дип сорасаң, үз телендә нәрсәдер аңлата башлый. Бездә шулай: башта Раянның телен өйрәнәбез, аннан югалган әйберне табабыз. Бервакыт кесә телефонымны эзләп җан чыкты. Әле ярый хатынга туңдыргычтан ит алырга кирәк булды, телефоным шунда гына табылды.
Зилә ҖӘЛӘЛИЕВА
Следите за самым важным и интересным в Telegram-каналеТатмедиа
-
Зур Сәрдек гимназиясе Җиңү көненә әзер!
Укучыларның Бөек Ватан сугышы турыдагы белемнәрен тирәнәйтү, гражданлык һәм патриотик хисләр, туган җиренә, халкына карата горурлык хисе, ветераннарга, тыл хезмәтчәннәренә, сугыш чоры балаларына хөрмәт хисе тәрбияләү йөзеннән Яңа Сәрдек башлангыч мәктәбендә төрле чаралар уздырылды: “Хәтер” китабы белән танышу, 1995 елда исән булган авылдагы сугыш ветераннары турында уку һәм аларның туганнарын ачыклау, Бөек Ватан сугышының хәлиткеч вакыйгаларын өйрәнү һәм аларны хронологик тәртиптә тезү, рәсемнәр һәм аппликацияләр аша сугышка һәм тынычлыкка карата мөнәсәбәтне белдерү, Туган илне яклау һәм саклау турында җырлар өйрәнү.
-
«Сабантуй» журналы әдәби мөхәррире Рамилә Уваева: » Олы абый гомер буе кешелекле, сабыр, гадел булды. Чын Укытучы иде.»
Әбиемнең бертуган абыйсы Хикмәтуллин Хаҗи Хикмәтулла улы 1920 нче елның 18 нче августында хәзерге Әгерҗе районы Девятерня авылында туа. Җидееллык мәктәпне тәмамлагач, 1936 нчы елда Минзәлә педучилищесына укырга керә. Өч елдан соң, диплом алып, туган авылына башлангыч сыйныфлар укытучысы булып кайта. 1940 нчы елда Кызыл Армия сафларына алына. Офицерлар курсын тәмамлаганнан соң, разведвзвод бүлеге командиры була. Олы абыем (без аны яратып шулай дип йөртә идек) сугышның беренче минутларыннан ук фашистларга каршы көрәшә. Аларның полкы илнең чигендә була.
-
«Май килә»
Роберт Миңнуллин
Нет комментариев