Үрнәк гаиләләр арасында Татарстанлылар да бар

"Татар информ" мәгълүмат агентлыгы хәбәр итүенчә, Россия күләмендә беренче мәртәбә үткәрелгән «Ел гаиләсе» бәйгесендә Татарстан вәкилләре Дилүзә һәм Руслан Хәбиевлар «Гореф-гадәтләрне саклаучы гаилә» номинациясендә җиңү яулаган. 

"Ел гаиләсе" бәйгесенең төп максаты  – гаиләнең дәрәҗәсен күтәрү, гаилә кыйммәтләрен саклау. Бәйгедә Россиянең 79 төбәгеннән 294 гаилә катнашкан.  Җиңүчеләрне 5 номинация буенча ачыклаганнар: «Күп балалы гаилә», «Яшь гаилә», «Авылда яшәүче гаилә», «Россиянең алтын гаиләсе», «Гореф-гадәтләрне саклаучы гаилә». Кичә кич Мәскәүдә җиңүчеләрне тәбрикләү тантанасы булды.
Шулай ук җиңүчеләрнең гаилә тарихлары тупланган «Ел гаиләсе – 2016» дигән китап дөнья күрәчәк.