«Сабантуй» мәзәкләре

​​​​​

• Әти, миңа барабан ал әле!

• Улым, эштә дә тавыштан туям, ә син «барабан» дисең...

• Әтием, ал инде, мин анда син йоклаганда гына уйнармын.

***

Әнисе Азатка:

• Контроль эшеңдә ничә бирем иде?

• Сигез.

• Ничәсендә хата җибәрдең? 

• Берсендә генә!

• Димәк, калганнары дөрес?

• Калганнарын эшләргә өлгермәдем...

***

Алсу әнисенә зарлана:

• Вакыт шундый тиз үтә: уянырга өлгермисең, инде мәктәпкә соңга каласың...