«ТАТМЕДИА» династияләре» күргәзмәсе – Казан университетында

Татарстан матбугаты көне уңаеннан, Казан федераль университетында “Татмедиа” династияләре” күргәзмәсе тәкъдим ителде. Күргәзмәнең нәкъ менә университет бинасында оештырылуы очраклы түгел. «Күпчелек геройларны студент елларын Казан университетының журналистика факультетында уздырулары берләштерә. 13нче факультет, 13 кат. Аларның барчасы диярлек үз остазларын: Флорид Әгъзамов, Илдар Низамов, Константин Куранов, Юрий Фролов һәм башкаларны сагынып искә ала», – ди проектның идея авторы, «ТАТМЕДИА» акционерлык җәмгыятенең PR-директоры Ләйсән Сафина.