Тукай рухы — ядкәрләрдә

Казан шәһәрендәге Г.Тукай әдәби музеенда «Тукай рухы — ядкәрләрдә» дип аталган республика иҗади әдәби эшләр бәйгесе башланып киткән. Ул бөек татар шагыйре Г.Тукайның тууына – 135 ел, Г. Тукай әдәби музее оешуга 35 ел тулуга һәм 2021 ел Татарстан Республикасында Туган телләр һәм халыклар бердәмлеге елы дип игълан ителүгә багышлана.
Бәйгенең шартлары буенча, шагыйрьнең Г.Тукай әдәби музее экспозициясендәге мемориаль әйберләренә (түбәтәй, юл кәрзине, карандаш савыты, җиң каптырмалары, фаянс тартмачык, кара савыты, сөлге) багышланган язмалар булырга тиеш. Конкурс «Проза» һәм «Поэзия» номинацияләрендә рус һәм татар телендә уздырыла. Иҗади эшләр 2021 елның 1 апреленә кадәр tukay1986@bk.ru электрон адресы буенча кабул ителә. Ә җиңүчеләрне бүләкләү чарасы апрель аенда Г.Тукай әдәби музеенда уздырылачак, дип хәбәр итә оештыручылар.
Иң мөһим һәм кызыклы язмаларны Татмедиа Telegram-каналында укыгыз
-
Мөгаллимнәр белән күрештек Яшел Үзән шәһәренең 5 нче гимназиясендә милли мәсьәләләр буенча директор урынбасарлары, татар теле һәм әдәбияты укытучылары, методик берләшмә җитәкчеләре катнашында узган методик семинарда «Салават күпере» һәм «Сабантуй» журналлары баш мөхәррире Зилә Фәйзуллина катнашты.
-
Чаллыда кунакта Чаллы шәһәренең Мулланур Вахитов исемендәге 2 нче гимназиясенең уңышларын күзәтеп, андагы сәләтле укучылар белән танышырга күптән хыялланып йөри идек. Менә җай чыкты.
-
Туган телем кадере «Балачак әдипләре» проекты кысаларында Йолдыз апа Шәрапова укучыларга бирем әзерләгән иде. Бик күп хатлар алдык. Кайбер эшләрне сезгә дә тәкъдим итәбез.