Җыр турында мәкаль-әйтемнәр.

Җыр – кешенең юлдашы.
Җырның канаты бар.
Эчең пошса, музыка уйна; уйный белмәсәң, уйнаганны тыңла.
Атам-анам биегән, күңел ачкан биюдән; уйнап-җырлап биемәгән – җебегән.
Һәр заманның үз көе.
Ерактан җырлаган җыр матур ишетелә.
Җыр белгәнгә җыр һөнәр, җыр белү дә зур һөнәр.
Җыр, кайгыны басмаса да, күңелне ача.
Җыр - күңеллегә куаныч, күңелсезгә юаныч.
Җырлый белмәгән кеше сызгырып йөри, ди.
Җырны берәү шатлыктан, берәү кайгыдан җырлый.
Җырның ертыгы юк, ертылса ямавы юк.
Җырның ертыгы юк, көйнең китеге юк.
Яхшы җырның даны үзеннән алда йөри.