Яңа уку елы – яңа биремнәр

Сәлам, дуслар! Яңа уку елы белән сезне! Каникуллардан соң беренче уку көннәре ничек үтте? Мәктәпне, дусларыгызны, укытучыларны гына түгел, ЗТКны да сагынырга өлгердегезме? Журналның сентябрь санында сезне яңа биремнәр көтә. Аларны игътибар белән үтәп, миңа юллагыз. Гадәттәгечә, ел ахырында иң-иңнәрне шәп бүләк көтә!

Сайттагы биремнәрне даими үтәп баручыларга да күчтәнәчем бар. Шуңа күрә, җавап язып калдырганда исемегезне күрсәтергә онытмагыз!

Игътибар, бүгенге бирем! Балалар адымнар белән уен мәйданчыгының озынлыгын үлчәгән. Ильясның – 25, Әдиләнең – 27, Шамилнең 22 адым килеп чыккан. Кемнең адымы иң кечкенәсе?