Җиләк-җимешле пудинг

Кирәк булачак: 

200 мл сөт,

2 аш кашыгы шикәр комы,

1 йомырка,

1 аш кашыгы он,

2 груша,

2 банан,

1 чәй кашыгы лимон согы,

бизәү өчен шоколад, мандарин.

Әзерләү тәртибе:

Кәстрүлгә йомырканы ватабыз, шикәр комы кушып, ул эрегәнче болгатабыз. Өстенә сөт, он салабыз. Әлеге катнашманы, болгата-болгата, 2 минут чамасы кайнатабыз. Ул куерырга тиеш. 

Ул арада банан белән грушаны чистартып, блендерда изәбез. Боламыкка, җиләк-җимешләр каралмасын өчен, лимон согы өстибез. 

Пудингның нигезе белән җиләк-җимешле боламыкны бергә кушып болгатабыз. Матур савытка салып, вак угычтан уылган шоколад, мандарин кисәкләре белән бизибез.

Язилә һәм Зөләйха Шәмсетдиновалар. 

Видео: https://vkvideo.ru/video-33407343_456240240