Итле пицца рецепты

9 февраль – Халыкара пицца көне

Камыр: 4 стакан он, 1 йомырка, 0,5 кап маргарин яки атланмай, 1 стакан кефир, 1 чәй кашыгы чәй содасы, тоз.
Эчлек: 400 г сыер ите фаршы, 2 аш кашыгы кетчуп, 4 пешкән йомырка, 2 тозлы кыяр, 200 г каты сыр, майонез һәм яшел тәмләткечләр. Кыздыру һәм табаны майлау өчен үсемлек мае.

 

Фаршны үсемлек маенда әзер булганчы кыздырырга, тәменчә тоз өстәргә һәм суытырга. Йомырка, яшел тәмләткечләрне вак итеп, кыярны түгәрәкләп турарга, сырны вак угычтан уарга.

 

Камыр басарга һәм ике өлешкә бүлеп, уклау белән җәяргә. Камыр җәемен майланган табага салырга, өстенә кетчуп сыларга, фарш җәяргә, вакланган йомырка, кыяр кисәкләрен тезеп чыгарга. Аз гына сыегайтылган майонез агызырга һәм угычтан уылган сыр сибәргә. Духовкада 30 минут пешерергә. Әзер пицца өстенә яшел тәмләткечләр сибәргә.

 

 

Камыр белән эчлек ике пиццага исәпләнгән.

 

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
  • Кызлар гимназиясе “Сабантуй” укый! Казан шәһәренең Фатиха Аитова исемендәге 12 кызлар гимназиясендә белем алучылар – «Сабантуй» журналына актив язылучылар. 2022 елның беренче яртыеллыгына да гимназиядән 70 тән артык укучы альтернатив язылуда катнашты.
    87
    0
    2
  • Һәр көнең бәйрәм булсын! «Сабантуй» журналының декабрь саны белән һәр көнегез бәйрәмгә әвереләчәк! Чөнки бу санда якынлашып килүче 2022 елның иң күңелле бәйрәмнәре һәм истәлекле даталары тупланган.
    136
    0
    0