Балык, кап!

Дөньяда балыкларның 35 меңнән артык төре бар. Ел саен белгечләр аларның 500 гә якын яңа төрен ача.

Иң борынгы балык моннан 450 миллион ел элек барлыкка килгән. Аны латимерия яки целакант дип атаганнар.

Дөньядагы иң зур балык – кит акуласы. Аның буе – 20 метрга, ә авырлыгы 30 тоннага җитәргә мөмкин. 

Иң акрын йөзүче балык булып диңгез аты санала. Ул бер сәгатьтә нибары метр ярым ара үтә. Диңгез аты тышкы кыяфәте һәм вертикаль рәвештә йөзүе белән дә башкалардан аерылып тора. 

Балыкларга суда йөзәргә – койрыклары, ә борылырга канатлары булыша.

Күп кенә балыклар бик яхшы күрәләр, ләкин аларның күз кабаклары юк. 

Балыкның тәңкәсенә карап, аның ничә яшьтә булуын билгеләргә мөмкин.