Кайда, нәрсә, ни өчен?
Кеше тәнендә 70тән артык орган бар. Без сине шуларның иң зурлары белән таныштырырга һәм кайда урнашуларын күрсәтергә булдык. Берочтан һәр органның ни өчен кирәклеген дә белерсең.
Баш мие
Командалар бирүче. Безнең хис, фикер һәм хәрәкәтләр белән идарә итә.
Йөрәк
Тамырлар буйлап канны куа. Кан, үпкәләрдә кислородка баеп, аны тәннең һәр күзәнәгенә җиткерсен өчен тырыша. Йөрәгең синең йодрык кадәр зурлыкта.
Үпкәләр
Алар ярдәмендә организм углекислый газдан арына һәм кислородны кабул итә.
Ашказаны
Без ашаган азыкны эшкәртә.
Бавыр
Аның 500гә якын эше бар. Иң мөһимнәре: канны зарарлы матдәләрдән чистарта, ашкайнату өчен кирәк булган үт суы бүлеп чыгара, витаминнар эшкәртүдә катнаша.
Бөерләр
Канны чистарталар, организмдагы артык су һәм тозларны чыгаралар.
Эчәклек
Монда ризык эшкәртелеп бетә һәм организмга сеңдерелә. Эчәклекнең озынлыгы – 8 метр чамасы.
Следите за самым важным и интересным в Telegram-каналеТатмедиа
-
15нче гимназия укучылары белән күрештек
Бүген Казан шәһәренең 15нче татар гимназиясендә укучыларыбыз белән күрештек.
-
Түгәрәк өстәл
Бүген без «2нче татар гимназиясе» китапханәсендә балалар басмаларына язылу буенча түгәрәк өстәлдә катнаштык.
-
«Сабантуйның 100 дусты»
Мәктәп-гимназияләр өчен «Сабантуйның 100 дусты» дигән бәйге игълан иткән идек. Бәйгенең шартлары буенча, мәктәп белән «Сабантуй» журналына 2025 елның беренче яртыеллыгына 100 укучы язылырга тиеш иде.
Нет комментариев