Кара күзлек кайчан барлыкка килгән?

Кояштан саклану өчен кара күзлек кемгә күбрәк кирәк дип уйлыйсыз?

Африкадагы дөяләргә, дияр берәүләр. Юк икән шул. Төньякта яшәүче кешеләргә кирәгрәк. Алар кояш яктысыннан түгел, ә кар җемелдәп, күзләре камашудан интегәләр. Күзләрен саклау өчен, алар сөяктән тар уемлы хәйләкәр күзлекләр дә уйлап тапканнар. Ә беренче тапкыр кара пыялалы күзлекләрне күпләп 18 нче гасыр ахырында, Наполеон фәрманы буенча ясый башлаганнар. Солдатларын Африкага сугышка җибәргәнче, император аларны “Нил пычрагы” төсендәге пыялалы күзлекләр белән тәэмин иткән.