Конфет тарихын беләсеңме?

Дөньяда иң борынгы конфет Мисырда хөрмә җимешеннән һәм балдан ясалган. Шәрыкта конфетны – инжирдан, Борынгы Римда – чикләвек һәм мәкне бал белән кайнатып, Русь дәүләтендә исә өрәңге ширбәте, бал һәм патокадан ясаганнар.

Иң  күп сатыла торган конфет – пралине, ул 1663 елда уйлап табылган, кондитер аны Германиядәге француз илчесе өчен махсус әзерләгән.

«МАстер Фуд» компаниясендә дөньяда зур тартмалы конфет ясалган, киңлеге – 1,5 метрлы, озынлыгы 2,5 метрлы тартмага 800 килограмм шоколад сыйган.

Иң сәер конфетлар Финляндиядә җитештерелә. Алар арасында ачы, тозлы һәм хәтта нефть  тәме килә торганнары да бар.