Күзеңә карыйм әле!

Америка психологлары Дж.Глаив һәм Э.Клери, кешенең күзләренә карап, аның холык-сыйфатларын белергә була, дип исәплиләр.

Кара күзле кешеләр ‒ энергияле, инициативалы, тынгысыз, тик тормаслар.

Күзләре зәңгәр төстә булучылар ‒ бик үзсүзле. Аларның кәефләре тиз кырыла, үпкәләрен дә озак саклыйлар.

Караңгы-соры төстәге күзлеләр – кире һәм куркусыз кешеләр. Алар алдына нинди генә авырлыклар килеп чыкмасын, үз дигәннәренә ирешәләр. Тиз кызып китәләр, ачуларын да озак саклап йөриләр. Бик көнчеләр дә.

Караңгы-коңгырт күзлеләр ‒ шат күңелле, җор телле, тик тиз кызучан, шул ук вакытта тиз суынучаннар да. Башкалар белән бик тиз уртак тел табалар.

Ачык-коңгырт күзлеләр – оялчан, ялгызлык яраталар. Алар бик тә хыялыйлыр, тырышлар. Һәр сүзгә үпкәләп, озак рәнҗеп йөри алалар.

Яшел һәм соргылт-яшел күзле кешеләр – көчле рухлы, куйган максатларына ирешүчән. Хисләре тотрыклы.