МАтуР йомшаК дУС

Куяннарның бу төре эссене яратмый. Шуңа да аларның читлеген артык җылы урынга куймаска кирәк.

Читлекне көн саен чистартып торырга, ә атнага бер тапкыр куянның өен тулысынча юарга киңәш ителә. 

Куян көн саен 1-2 сәгать иректә йөрергә тиеш. Ләкин игътибарлы булыгыз: ул бөтен нәрсәне кимерергә ярата! Йорт җиһазларына һәм үзенә зыян китерә күрмәсен!  

Бу җанварларның йоны коелып бөтен өйне тутырмасын өчен, аларны атнага 1-2 тапкыр махсус тарак белән тарарга кирәк.

Куяннарның төп азыгы – печән һәм кечкенә ботаклар. Яшелчәне атнага 3-4 тапкыр, ә җиләк-җимешне 1-2 мәртәбә бирергә ярый. Куянның ризык савытында һәрчак чиста су булырга тиеш.