Милли кием: рус костюмы

Элеккеге вакытларда рус милли хатын-кыз киеме күпкатлы булган. Иң төп кием – сарафан. Ул гадәттә кызыл төстә булган. Ә сарафан эченнән күпертмә җиңле ак төсле кыска күлмәк кигәннәр.

Русларда баш киемнәренең күплеге дә игътабарны җәлеп итә: кокошниктан кала сорока, очипок һәм башка баш киемнәре дә булган. Рус костюмы формалашуга Византия тәэсире зур була. Хритиан динен кабул иткәннән соң Русьта хатын-кыз киеме үзгәрә. Баш киеменең чигә турысына рясналар элә башлыйлар.