Ни өчен төчкергән кешегә: “Сәламәт бул!” – дибез?

“Сәер сорау, шулай гадәтләнгәнгә”, – диярсез. Кайберәүләр: “Сәламәтлек теләү начармыни?!” – дип тә өстәр. Алайса, ни өчен йөткергән кешегә мондый сүз әйтмиләр?

Бактың исә, төчкерүчегә җавап итеп сәламәтлек теләү гадәте Борынгы Римга ук барып тоташа икән. Борынгылар кешенең җаны аның сулышында дип уйлаган. Төчкергәндә җан да очып чыгып китәргә мөмкин, дип курыкканнар. Шуңа да, төчкергән кешене күрүгә: “Аллалар җаныңны яшерсен һәм сәламәтлек бирсен!” – дип теләгәннәр. Тора-бара әлеге теләк кыскарып, “сәламәт бул”га гына калган.