Нинди туңдырма яратасың?

Кояш кыздыруга, күбебез туңдырма ашый башлыйбыз. Бүген туңдырманың 2 меңнән артык төре бар икән. Бу тәмле ризыкны иң күп ашаучы халык - америкалылар. Туңдырманың кайсы төренә өстенлек бирүенә карап, кешенең холкын билгеләргә була, ди.
Шоколад кисәкләре кушылган пломбир яратучылар – тотрыксыз кешеләр, гел кызыксынып, яңалык эзләргә яратучылар.
Стакан формасындагы туңдырмага өстенлек бирүчеләр - романтиклар. Беренче чиратта тынычлыкка омтылучылар. Башка кешеләрнең проблемаларын үзләре аша уздырып, кеше хәленә керә беләләр. Әмма андый кешеләр белән шаярырга ярамый: күңелләрен җәрәхәтләвегез бар.
Ике ягы вафлялы туңдырма яратучылар - эш кешеләре. Алар гел хәрәкәттә, хезмәттән тәм табып яшиләр, бик яхшы хуҗа һәм хуҗабикәләр.
Җиләк-җимешле туңдырма сөючеләр – эгоистлар. Тормыштан канәгать булып, аннан ләззәт алып яшәүчеләр. Алар өчен ирешеп булмаслык максат юк.
Эскимо яратучылар максатларына омтылалар һәм үз дигәннәренә ирешәләр дә.
Теләсә кайсы туңдырманы ашаучылар – күңелле затлар. Һәр нәрсәгә җиңел карашлы кешеләр. Тормыштан ямь табып, шатланып, чын күңелдән көлә белүчеләр.
Туңдырма яратмаучылар - шикле кешеләр. Андыйлар янында сак булырга кирәк. Башларында нинди уйлар барлыгын белеп булмый.
Иң мөһим һәм кызыклы язмаларны Татмедиа Telegram-каналында укыгыз
-
Мөгаллимнәр белән күрештек Яшел Үзән шәһәренең 5 нче гимназиясендә милли мәсьәләләр буенча директор урынбасарлары, татар теле һәм әдәбияты укытучылары, методик берләшмә җитәкчеләре катнашында узган методик семинарда «Салават күпере» һәм «Сабантуй» журналлары баш мөхәррире Зилә Фәйзуллина катнашты.
-
Чаллыда кунакта Чаллы шәһәренең Мулланур Вахитов исемендәге 2 нче гимназиясенең уңышларын күзәтеп, андагы сәләтле укучылар белән танышырга күптән хыялланып йөри идек. Менә җай чыкты.
-
Туган телем кадере «Балачак әдипләре» проекты кысаларында Йолдыз апа Шәрапова укучыларга бирем әзерләгән иде. Бик күп хатлар алдык. Кайбер эшләрне сезгә дә тәкъдим итәбез.