Нинди йорт хайваны сайларга?

Песи дә аласы килә, балыклар да кызыктыра, тутый кошка да риза булыр идең кебек... Таныш хисләрме? Исеңдә калдыр: йорт хайванын холкыңа һәм мөмкинлекләреңә карап сайларга кирәк!

Эт

Бик тугры, акыллы җанвар. Чын дус була ала.

Ярый

• буш вакытың күп булса,

• җәяү йөрергә яратсаң,

• зур фатирда яки шәхси йортта яшәсәң.

Ярамый

• көндез өеңдә кеше булмаса (этләр ялгызлыкны авыр кичерә),

• эт белән көненә 2 сәгать йөри алмасаң,

• сәламәтлеге өчен файдалы ризыклар ашату мөмкинлегең булмаса.

Песи

Ягымлы, ләкин буйсынмас холыклы җан иясе.

Ярый

• буш вакытыңны өйдә уздыру мөмкинлеге булса,

• песинең төнлә тавышланып йөрүенә түзсәң,

• аның артыннан җыештырырга риза булсаң.

Ярамый

• песи белән уйнарга вакытың булмаса,

• гаиләң белән еш кына каядыр китәргә туры килсә,

• песинең йорт җиһазларына зыян китерүеннән курыксаң.

Кимерүчеләр

Зур урын һәм күп игътибар сорамый торган хайваннар.

Ярый

• йорт хайванына күп урын бүлеп бирү мөмкинлегең булмаса,

• өйдә зур җанвар асрарга кыюлыгың җитмәсә.

Ярамый

• атнага 2-3 тапкыр булса да читлекне чистартасың килмәсә,

• яраткан җанварыңны югалтудан курыксаң (кимерүчеләр 3-5 елдан озак яшәми).

Декоратив кошлар

Сайрарга, тавышланырга яраталар.

Ярый

• атнага 1-2 тапкыр читлекне чистартырга риза булсаң,

• кошлар белән аралашырга, «сөйләшергә» вакытың булса.

Ярамый

• тавыш яратмасаң,

• кечкенә энең яки сеңлең булса (кошлар кайчак нык авырттырып тешли).

Балыклар

Иң тыныч җан ияләре.

Ярый

• йорт хайванын һәрвакыт карап, тәрбияләп торырга вакытың булмаса,

• гаиләң белән еш кына каядыр китәргә туры килсә.

Ярамый

• балыкларның ризыгына аллергия булса,

• йорт хайванының сиңа булган хисләрен күрергә теләсәң (балыклар «хисле» түгел).

Сөйрәлүчеләр

Тыныч һәм чиста җан ияләре.

Ярый

• йорт хайванын еш кына ялгыз калдырырга туры килсә,

• җәяү йөрергә яратмасаң.

Ярамый

• җиһазландырылган террариум алырга әзер булмасаң,

• йорт хайваны белән һәрвакыт уйныйсың килсә (сөйрәлүчеләр артык игътибар яратмый).