Атлар турында нәрсә беләсең?

13 декабрь – атлар көне

Атлар турында кызыклы фактлар:

• Әгәр   тарихка күз салсак, кешенең ат белән дуслыгы безнең эрага кадәр 5000 ел элек башланган.Бу турыда тау куышларында ясап калдырылган борынгы рәсемнәр сөйли.


• Җир шарында бу хайванны иң кыска сүз белән атап йөртүчеләр – төрки халык, без аны "ат" дибез. Иң озыны – Көньяк индеецлар телендә – "Оквилаупаракламарукоаллунакланата".


• Ат төсле төшләр күрә.


• Бу җан иясе 60 км/сәг тизлек белән чаба һәм 2,5 метр биеклеккә сикерә ала.


• Ат күз, борын, ирен, ияк, колак тирәсендә урнашкан озын төкләре (антенналары) ярдәмендә сизә.


• Ул якыннан яхшы күрә: хәтта кешенең ым, ишарәсен тоя ала. Әмма ерактан күреме начар. Ат алда, артта, уңда,  сулда, аста, өстә нәрсә барын тигез дәрәҗәдә яхшы күрә. Кояш яктысы аның күзен чакмый.


• Атның иң курыккан җан иясе – бал корты. Әгәр  берьюлы  дистәләп корт һөҗүм итсә, ул үләргә мөмкин.


• Ат басып йоклый.