Ышанмассың!

*Аны бәйрәм итү мәҗбүригә әйләнә! Яңа ел каршыламый ятып йокласаң, штраф! Әйе, 1700 елда Петр I Россиягә Яңа ел бәйрәмен кертеп кенә калмый, шундый указ да чыгара. 

*Чыршы бизәү гадәте 19 нчы гасыр уртасында барлыкка килә. Иң элек аңа кәнфит-прәннек, яшелчә һәм җиләк-җимеш элә торган булалар. Ләкин бер елны алма уңмый. Оста пыялачылар алма урынына пыяладан шар ясый. Шулай итеп, чыршы уенчыклары барлыкка килә.

*Кыш бабайны узган гасырның 30 нчы елларында гына уйлап табалар. Аның рәсми туган көне – 18 ноябрь. Башта ул балаларны оныгы – Кар кызыннан башка гына котлап йөри. Кар кызы 1940 нче елларда гына бабайның аерылгысыз юлдашына әверелә.

*Кыш бабайның «Әкият хезмәте ветераны» дигән мактаулы исеме бар.

*Безнең борынгы әби-бабаларыбыз – төрки халыклар яңа ел исәбен 22 марттан башлаган. Март шулай аталган да – яңарыш.