Юл билгеләре ни өчен төрле формада?

Ни өчен юл билгеләре төрле формада? Берәүләре – өчпочмак, икенчеләре – түгәрәк рәвешендә? Ә кайберләре, әйтик, ромбка ясалган «Төп юл» яки аска карап торучы өчпочмакка охшаган «Юл бирегез» билгеләре, гомумән, бердәнбер? Бактың исә, бер дә юкка түгел икән! Бу билгеләр кояшта уңып, буранда кар белән капланып бетсә дә, автомобиль йөртүче аларны таный алсын өчен шулай эшләнә. Иң мөһим билгеләр берәр генә.