Татар халкының яраткан композиторы Фәрит Яруллин 1914 елның 1 гыйнварында Казан шәһәрендә, танылган музыкант Заһидулла Яруллин гаиләсендә дөньяга килә. 1923-1930 елларда Яруллиннар Уфада яши, аннан янә Казанга әйләнеп кайта. Фәрит кечкенәдән музыка сәнгатенә гашыйк булып үсә. 1930 елда ул музыка техникумына укырга керә, виолончельдә һәм фортопианода уйнарга өйрәнә.
Гитараның кайда барлыкка килүе төгәл генә билгеле түгел. Азәрбайҗан, Әрмәнстан, Әфганстан, Гыйрак, Иран, Төркия, Таҗикстан, Үзбәкстан һәм Якын Көнчыгыш илләрендә киң таралган тар исемле уен коралы гитараның бабасы була. Гитара турында беренче тапкыр безнең эрага кадәр 3700 елда искә алына. Испаниядә 16 нчы гасырда зур танылу ала. Бүгенге көндә дә ул испаннарның халык уен коралы.
Айсылу Имамиева